Нема производи во кошничката.
Приказната на Бител Сат ДОО започнува во 1993 година во Битола. Во своите почетоци, компанијата беше специјализирана за продажба на опрема за сателитска телевизија и телевизори, област во која со текот на годините изгради препознатливост, долгогодишно искуство и доверба кај своите купувачи и деловни партнери.
Следејќи ги промените на пазарот, развојот на технологијата и потребите на потрошувачите, во 2018 година започнавме ново поглавје во нашето работење. Продажната програма ја проширивме со широк асортиман на бела техника, мали апарати за домаќинство, телевизори, аудио опрема, како и современи системи и решенија за ладење и греење.
Денес, Бител Сат ДОО е компанија со повеќе од 15 вработени, канцеларија и две продавници во Битола, два магацински простори, сопствен сервис и сопствен возен парк за брза и сигурна достава. Преку развиена мрежа на деловни партнери вршиме продажба и дистрибуција на големо низ цела Македонија.
Увозници сме и соработуваме со реномирани светски производители и брендови, меѓу кои VOX Electronics, Mitsubishi Electric, Mitsubishi Heavy Industries, Toyotomi, Haier, Samsung, LG, TCL, Iskra, како и други познати имиња од областа на електрониката, апаратите за домаќинство и климатизацијата.
Нашата цел е на купувачите и деловните партнери да им понудиме внимателно избрани, квалитетни и сигурни производи, конкурентни услови и професионална поддршка пред, за време и по продажбата. Сопствениот сервис ни овозможува да обезбедиме навремена и стручна техничка поддршка, додека магацинските капацитети и организираната достава придонесуваат за ефикасно снабдување на нашите партнери низ целата држава.
Повеќе од три децении го градиме нашето работење врз вредностите со кои започнавме – квалитет, доверба, одговорност, професионалност и постојан развој.